Ataria Txapelketako Kadete-jubenilen mailako pala partidak jokatu ziren atzo Intxaur pilotalekuan. Zortzi pilotariek ikuskizun ederra eskaini zuten.
Lehen partida oso borrokatua izan zen. Iturriotz-Herrero hasieratik agintzen hasi ziren, baina Otegi-Belokik maila ederra dutela erakutsi zuten, eta tanto txalotuenak eurenak izan ziren. Amaieran, 25-15 izan zen markagailua, Iturriotz-Herreroren alde.
Bigarren partida Usabiaga-Aranburu izan ziren nagusi. Olano-Muruak partidaren lehen zatian eutsi zien asteasuarrei, 12-10, baina ondoren hutsegite batzuen ondorioz, Usabiaga-Aranburuk tartea zabaldu zuten. 25-13 amaitu zen partida.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
