Zizurkilgo Gaztezulok maiatzean kultura digitala landuko du eta maiatzaren 3an, 18:00etan Eli Moreno psikologoak tailerra eskainiko die gurasoei.
Hitzaldian lehenik eta behin, bullyingaren eta eskolako jazarpenaren fenomenoa aztertuko da, tartean zer nolako jokabideak sartzen diren eta arazoan inplikatutako guztientzako zein ondorio dituzten argituz.
Bigarrenik, halako jokabideak dituzten eta sufritzen dituzten haurrak eta nerabeak identifikatzeko zenbait estrategia aipatuko dira. Azkenik, hizlariak azalduko du indarkeria prebenitu eta errotik kentzeko zer egin dezakegun.
Eli Moreno psikologoak eskainiko duen tailerra irekia izango da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!