Txapel Eguna ari dira ospatzen Zizurkilen. 25. edizioa da aurtengoa eta eguna hasteko Bukalai dantza taldearen emanaldia izan da Intxaur frontoian.
Aurten Xabier Pellejerori egingo diote omenaldia Txapel Egunean. 21:00etatik aurrera izango da hori, orduan elkartuko baitira txapeldunak, afaldu eta omenaldia egiteko. Aurretik ere egongo da giroa herrian, hala ere; 16:00etan musa izango dute Zentroan, 17:30ean idi-probak izango dituzte Plazaberrin; eta 19:00etan Euskal Herriko hainbat gaztaren dastatzea egongo da Zimiterioan trikitilarien doinuek lagunduta.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?