Urteroko ohiturari jarraituz, Zizurkilgo Urkamendi elkarteak Tourrean lehen euskalduna izan denari omenaldia egiten dio, eta aurten Mikel Landa omendu dute, laugarren egin baitzuen proba ezagunean.
Mikel Landa ez zen bakarrik egon omenaldian, bere inguruan hainbat txirrindulari eta txirrindulari ohi izan baitira: Abraham Olano, Txomin Perurena, Mikel Nieve, Irene Caminos, Mikel Astarloza, Haimar Zubeldia, eta Pello Goikoetxea. Azken hau, aurtengo Aiztondo Klasikan lehenengo euskalduna izan zen, proban laugarren amaitu eta gero.
Landari omenaldia elkartean bertan egin diote, eta gero afariaren txanda izan da. Aurretik, aipatutako hainbat txirrindulari eta txirrindulari ohiekin solasaldia izan da Atxulondo kultur etxean, Arritxu Iribar kazetariak dinamizatuta.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!