Iker Vicente gertu izan zuen dimarrak, 18 segundora. Bi horien arteko lehia ikusgarria izan zen, baina baita ondorengo hiru aizkolarien artekoa ere. Bigarren multzo horretan aritu zen borrokan Joseba Otaegi.
Finaleko lanak hasi orduko, hiru aizkolari nabarmendu ziren: Atutxa, Vicente eta Mugertza.
Azken honek lan handietan behera egin zuen, eta atzetik Larrañaga eta Otaegi iritsi zitzaizkion. Ondoren, Azurmendik ere gauza bera egin zuen. Gipuzkoako txapeldunari kosta egin zitzaion erritmoa hartzea hasierako enborretan. Zazpigarren enborrean, adibidez, Larrañagak ia 2 minutu ateratzen zizkion. Une horretan, Otaegi bien tartean zen, minutu batera. Bost enbor geratzen ziren finaleko lanak amaitzeko, eta Azurmendik aurrera egin zuen bezala, zizurkildarrak postu bat galdu zuen. Larrañagak ozta-ozta eutsi zion bereari, atzetik zetozen beste biek denbora jan baitzioten. Amaieran, 17 segundo bakarrik atera zizkion azpeitiarrak Azurmendiri; Otaegiri, aldiz, 50.
Antolakuntzan, kale
Aizkoran urteko hitzordua zen igandekoa. Mikrofono batek ez zuen egiten, beraz, bi zintarekin lotuta. Horrela ere ez. Aizkoran belaunaldi berri bat, baita ikusleen artean ere, baina hortik aurrera... «2017ko Euskal Herriko txapelduna...», eta izenik ere ez zen entzun. «Gora aizkora! Gora herri kirola!» esatea ez nahikoa.
Irakurri hemen Joseba Otaegiri egindako elkarrizketa.
