Arratsaldeko 16:00etan abiatuko da eguna, txapeldunak musean arituko dira Zizurkil Goiko Zentroan. Ondoren, 18:00etan Bukalai dantza taldearen emanaldia izango da Intxaur frontoian eta segidan egingo dute triki-poteoa.
Gaueko 21:00etan txapeldunen afaria izango da eta betiko menua izango dute: arrain-zopa, oilaskoa, postrea, kafea eta kopa. Amaia Agirre eta Aritz Mujika ariko dira bertsotan.
XXIII. aldia da Txapel Eguna antolatzen dutena Zizurkilen eta aurten, Bernardo Arregiri jantziko diote. Berak izango du, abuztuan, Zizurkilgo jaietako txupinazoa botatzeko ohorea.