Autobusa 10:00etan aterako da Zizurkil Goitik eta 10:10ean Zizurkil Behetik, eta Pasai San Pedrora joango dira lehenik, Albaola museoa bisitatzeko.
Bisitaren ondoren, badia zeharkatzen duen itsasontzia hartuko dute, Pasai Donibanera joateko. Izan ere, bertako Mirones jatetxean izango dute bazkaria. 1. eta 2. platerak aukeratu behar dituzte izena emateko garaian. Bazkalostean, DJ batekin dantzaldia izango dute.
Irteeraren prezioa 30 eurokoa izango da. Izena emateko aukera izango dute Aurrera plazako udal-bulegoetan eta Atxulondo liburutegian.