Hileko bigarren igandea izaki, Bigarren Eskuko Azoka egingo da azaroaren 8an, Zizurkilgo Joxe Arregi plazan.
Azokak goizeko 9:00etan irekiko ditu ateak eta eguerdiko 14:00etara bitartean egongo da postuak ikusteko aukera.
Edonork har dezake parte azokan, baldintza bakarra da aurrez izena ematea, 619203058 telefono-zenbakian.
Postua jarri nahi duenak ekarri beharko ditu postua jartzeko behar dituen materialak: mahaia, aulkiak...
Euria eginez gero, azoka Pedro Mari Otaño ikastetxean egingo da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!