Egun horretan itzuliko da egunerokotasunera liburutegia, ohiko ordutegian, eta egun horretan hasiko dira 2015-2016 ikasturteko ikastaroak.
Hiru hilabetez itxita egon da, igogailua jartzeko eta kultur etxeko irisgarritasuna hobetzeko, eta lanak amaitu ondoren, erritmo biziz irekiko ditu ateak.
Hain zuzen, azaroaren 2ko astean hasiko dira oraindik hasteko zeuden ikastaro guztiak: sabel dantza, pilates, yoga, zumba, forman jar zaitez, patchwork eta gimnasia erritmikoa. Aste horretan hasiko dira, baita ere, Elizpe jubilatu elkarteak eskainitako ikastaroak ere: helduentzako gimnasia, yoga, eta joskintza eta eskulanak.
Bukalai dantza-taldeak ere sumatuko du aldaketa, azaroaren 4tik aurrera Atxulondon eman ahal izango baititu Iriarte kultur etxean eman dituen heldu eta ertainen dantza-ikastaroak.