Zorionak, hasteko.
Eskerrik asko!
Nola sentitzen da bat izen handia duen Antiguako txapelketa hirugarrenez jarraian irabazita?
Oso gustura. Asko gustatzen zait Antiguako frontoia eta txapelketa bera. Zaila izaten da irabaztea, eta are gehiago hiru aldiz jarraian txapela janztea. Beraz, lortutakoarekin oso pozik.
Finalaren hasieran Laso eta Murgiondok zigortu egin zintuzten. Eragina izan al zuen horrek?
Bai. 6-1 hasi ginen irabazten, lasai, baina gero une zail batzuk izan genituen. Nik ere akatsak egin nituen, baina Asierrek sekulako neurketa jokatu zuen.
Zein da Antiguako txapelketaren berezitasuna?
Pilotalekua txikiagoa eta zabalagoa da. Pilotakada motzagoak egin behar dira, eta tantoak egin ahal izateko ongi jokatu behar da. Giroa ere espeziala da. Betidanik gustatu izan zait eta ongi moldatzen naiz.
Telebista bat ere jaso zenuten opari irabazleek. Pentsatu al duzu non jarri?
Etxean jartzeko asmoa dut, baina aurrekoa ere ez da oso zaharra.
Eta orain, zein helburu dituzu?
Gipuzkoako txapelketak ditugu, eta Kantxa torneoko final aurrekoetan nago. Hor zentratuko naiz.
Asteburuan Antiguako txapelketa irabazi zuen hirugarren aldiz Jon Erasun zizurkildarrak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!