Iñaki Azurmendi, Ugaitz Mugertza, Mikel Larrañaga —iazko txapelduna— , Joxe Mari Olasagasti eta Joseba Otaegi lehiatu ziren finalean. Aizkolari bakoitzak lau kana-erdiko, lau 60 ontzako eta bi oinbiko ebaki behar zituen.
Mugertza II.a eta Larrañaga indartsu hasi ziren, baina, Azurmendik hasiera txarra izan zuen arren, gora egin zuen, eta aurre hartu zien, txapelarekin egin arte. 33 minutu eta 49 segundoan amaitu zuen lana Azurmendik, bigarren geratu zen Larrañagak 34 minutu eta segundo bat, eta Mugertzak 35 minutu eta 4 segundo.
Azken posturako lehia bizia izan zen, maila mantentzea baitzegoen jokoan. Olasagasti Otaegiren aurretik sailkatu zen azkenean, 45 segundoko aldea ateraz.