Euskara eta antzerkia uztartuta, Alea Tita Konba ekimenean

Astero-astero entseatzen egon ondoren, joan den asteazkenean Alea Tita Konba ekimenean parte hartu duten ikasleek, 2014-2015 ikasturtean zehar ikasitakoa gurasoei eta gainerako ikaskideei erakusteko aukera izan zuten.

Zizurkilgo Udalak urteak daramatza Alea Tita Konba ikastaroa eskaintzen guraso euskaldunak ez dituzten ikasleei. Ikastaroaren bitartez, umeei euskara nagusi izango den ingurune ludiko bat eskaini nahi zaie. Horrez gain, skola-eremutik kanpo euskararen ikaskuntza eta euskararen erabilera sustatu nahi da.

Horretarako bitarteko gisa antzerkia erabiltzen dute, eta aisialdiko hezkuntzan trebatutako hezitzaile bat arduratzen da ikastaroa emateaz.