Segurtasun sailak jakinarazi duenez, 16 eta 17 urteko bi gazte atxilotu dituzte Zizurkilgo harategi batean lapurtzeagatik. Bizilagun batek deitu zuen Ertzaintzara harategian zaratak entzun zituelako.
Ertzaintza iristean gazteak ihes egin eta taberna batean sartu ziren. Bertan atxilotu zituzten. Atxiloketaren unean tabernan zeuden 20 eta 27 urteko beste bi gaztek aurre egin zieten ertzainei, eta atxilotu egin zituzten.
Bi gazteek harategiko atea hautsi zuten, baita kutxa erregistratzailea ere. Kutxatik txanponak lapurtu zituzten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!