Bigarren eskuko azokaren bultzatzaileetako bat da Naiara Olano, eta aurrera begira espero du indar gehiago hartzea. Gaurkoa bigarren aldia da azoka jarri dela, eta 18 postu izan dira. Tolosaldean egiten den bakarra da, baina Andoain eta Hondarribi arteko herrietan ohikoak dira horrelako azokak. Zizurkilen bigarren eskuko azoka hileko hirugarren larunbatetan egitea da asmoa.
Bestalde, laugarren aldiz egin dute jostailuen trukerako azoka, eta horretarako bigarren eskuko azoka aprobetxatu dute. Guraso elkarteek antolatu dute, eta dinamika erraza da: jostailu bat utzi egiten da eta beste bat hartu.