Goizaldeko laurak aldera jaso du Ertzaintzak telefono deia zenbait pertsona matxete, makil, igitai eta sardeak zituztela etxebizitzan sartzen saiatzen ari zirela esanez. Agenteak baserri ingurura gertura direnean, auto bat ziztu bizian ihesi ikusi dute. Autoa geratu ostean, ustezko 21 eta 28 urte bitarteko lau pertsona atxilotu dituzte lapurreta delitua egotzita. Momentu horretan bertan, etxebizitzaren barrutik hartutako matxete-funda bat eta tablet bat zituzten atxilotuek ibilgailuan. Ertzaintzak ez du ikerketa itxi, gertakariaren parte izan daitezkeen beste lapur batzuk aurkitu, identifikatu eta atxilotu ahal izateko.
Lehen lapurreta saiakera hilaren 15ean egin zuten. Eta kalamu landareen jabeak salaketa jarri zuten.
Hernaniko ertzain-etxeko agenteek zazpiehun marihuana landare konfiskatu zituzten atzo Zizurkilgo baserri bateko plantazio batetik. Plantazioaren jabeek, 47 eta 53 urteko bi gizonezkok, lapurreta egiten saiatu zirela salatu zuten duela bi egun. Biei substantzia estupefazienteen trafiko-delitu bana egotzi zaie.
Bart gauean lapurrak bueltatzean landareak ez zeudela ikustean alboko baserrian sartzen saiatu dira 12 pertsona. Ertzaintzari deitu ostean, lau atxilotu dituzte.