Igandean aizkora apustua jokatuko dute Jon Irazu eta Joxe Mari Olasagastik Tolosan. Ataria irratian izan da aizkolari zizurkildarra, eta besteak beste, aurkaria analizatu du.
Urtarrilaren 10ean adostu zuten Irazu eta Olasagastik apustua. Harrez geroztik hiru hilabete eta erdi pasa dira eta gainean dute data. Igande honetan nor baino nor izango dira Tolosako Zezen Plazan 12:00etatik aurrera. 12 pago enbor ebaki beharko ditu aizkolari bakoitzak. Materiala, adostu zutenaren arabera, Irazuk eramango du.
Zizurkildarrak onartu du oraindik ez dagoela urduri igandeko probari begira. Guztiz aurkakoa da sentsazioa, "motibatuta" dagoela esan du, izan ere, une honetan "Olasagati zen gehien motibatzen zuen aurkaria".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!