Hernanin atzo jokatu zuten Urrezko Aizkora txapelketaren bigarren jardunaldia, eta Aitzol Atutxa egungo Bizkaiko txapeldunaren eta Joseba Otaegi Gipuzkoako txapeldunaren arteko lehia bizkaitarrak irabazi du. Zizurkilgoak, beraz, ezin izan ditu bere lehen puntuak batu. Atutxak bi minutuko aldea atera zion Otaegiri.
Bestalde, etzi, igandean, Arabako Ondategi herrian jokatuko dute Urrezko Aizkolarien hurrengo jardunaldia, 12:30etik aurrera. Ugaitz Mugertza mutrikuarra eta Jon Rekondo leitzarra ariko dira nor baino nor.