Igeriketaz gozatzeko aukera izango dute gaur, irailak 2, asteazkena, eta bihar, irailak 3, osteguna, Tolosaldea IKTren ate irekien jardunaldietan parte hartzen dutenek.
Bi egunetan saioak 18:00etan izango dira, eta parte-hartzaileek 17:45ean kiroldegiaren sarreran egon beharko dute. Jarduerak Usabal eta Olaederra kiroldegietan egingo dira.
Tolosaldea IKTren 2026/27 denboraldia irailaren 1ean jarri zen martxan, eta ate irekien jardunaldi hauek aukera ematen dute klubaren jarduera ezagutzeko eta igeriketara gerturatzeko.
Informazio gehiago nahi dutenek 688 807 405 edo 688 743 269 telefonoetara deitu dezakete, edo teknikariak@tolosaldeaikt.eus helbidera idatzi.
Beraz, igeriketa gustuko dutenek gaur eta bihar dute hitzordua: 17:45ean, Usabal edo Olaederra kiroldegian.