Ekainaren 20 eta 21ean alebin mailako txapelketa egin zen Galdakaon, eta bertan taldeko zazpi igerilari lehiatu ziren. Ekainaren 27 eta 28an infantila mailako taldeko bederatzi igerilari lehiatu ziren Irunen. Azkenik, uztailaren 4 eta 5ean, junior eta absolutu mailako txapelketan 24 igerilari lehiatu ziren Gasteizen.
Txapelketa guztien artean 42 domina lortu dituzte igerilariek, horietatik zazpi urrezkoak, hamasei zilarrezkoak eta hemeretzi brontzezkoak. Gainera, taldekako sailkapenetan ere maila eman dute: absolutuetan mutilak laugarren izan dira, neskak hirugarren eta sailkapen bateratuan laugarren. Junior mailan mutilak bosgarren izan ziren, neskak hirugarren eta bateratuan laugarren. Infantil mailan mutilak hirugarren izan ziren, neskak hamazazpigarren eta bateratuan seigarren. Azkenik, alebinetan mutilak 28. izan ziren, neskak hamahirugarren eta bateratuan 19. postuan.