Eskuz lau herri aurretik jarri dira, eta gomazko paletan bi

Jarri da martxan Herriarteko Pilota Txapelketa. Eskuz zein gomazko paletan final-hamaseirenak daude jokoan. Eskualdeko sei herri ari dira lehian eskuzko modalitatean, eta horietatik lauk hartu dute abantaila. Gomazko paletan lehian dauden hiru herrietatik bi jarri dira aurretik kanporaketan.

Eskuzkoan Amasa-Villabonak 1-2 irabazi zuen Donostiaren aurka Atano III.ean. Kadeteetan Larrarte-Zufiria bikoak 22-1 irabazi zuen, jubeniletan Oñate-Zufiria 22-4 gailendu zen eta nagusietan Aranburu-Iraola bikoak 22-8 galdu zuen. Albiztur 1-2 galtzen hasi da Astigarragaren aurka, joanekoan 1-2 galdu eta gero etxean. Kadeteetan Aldalur-Juantorenak 20-22 galdu zuten, jubeniletan Arandia-Elolak 22-11 irabazi eta nagusietan Labaka-Telletxea bikoak 11-22 galdu. Adunak nagusitasunez irabazi zituen Oñatiren aurka etxean jokatutako hiru partidak. Kadeteetan Barriola-Iparragirrek 22-1 irabazi zuten, jubeniletan Aburuza-Zestauk 22-4 eta nagusietan Zestau-Olasagatik 22-8. Alegiak 1-2 irabazi zuen etxetik kanpo Aretxabaletaren aurka: kadeteetan Garaikoetxea-Leo bikoak 0-22 irabazi zuten, jubeniletan Azpilikueta-Mendiak 22-1 galdu eta nagusietan Irazustabarrena-Oiarbidek 15-22 irabazi. Amezketa ere 2-1 aurreratu da etxean Lazkaori irabazita. Kadeteetan Gorostidi-Saralegik 17-22 galdu zuen, jubeniletan Gorostidi-Gorostidik 22-6 irabazi eta nagusietan Fresnedo-Gorostidik 22-16 irabazi. Zizurkilek 1-2 doa galtzen etxean Aiaren aurka jokatu ondoren: kadeteetan Ibarbia-Iruretagoiena bikoak 1-22 galdu zuten, jubeniletan Ezkioga-Lakarrak 22-10 irabazi eta nagusietan Erasun-Perurenak 4-22 galdu.

Gomazko paletan bi herri jarri dira aurretik kanporaketan. Alegiak 1-2 irabazi zion Eibarri bere etxean: Zabalak 13-20 irabazi zuen banaka kantxa osoan, Altuna-Sanchez bikoak 20-15 galdu zuen eta Altunak 16-20 galdu zuen 7ko koadroaren barruan. Anoetak Errenteriaren aurka 0-3 irabazi zuen aurkarien etxean: Alain Luisak 8-20 irabazi zuen kantxa osoan, Iraola-Leundak 16-20 binaka eta Aratz Luisak 11-20 7ko koadroaren barruan. Tolosak 1-2 galdu zuen Zumarragan jokatutako joaneko kanporaketan: Mendizabalek 20-10 galdu zuen kantxa osoan, Arriola-Laamirni bikoak 20-15 galdu eta Arregik 8-20 irabazi 7ko koadroaren barruan.