ELA, LAB eta Steilas sindikatuek manifestazioa antolatu dute maiatzaren 9rako, Euskaraz bizitzeko eta lan egiteko eskubidearen alde lelopean; Bilbon izango da, 17:30ean Jesusen bihotza plazatik hasita. Galtzaundi Tolosaldeko Euskaltzaleen Elkarteak autobusa antolatu du ekitaldira joan nahi duten eskualdeko herritarrentzat, eta dagoeneko eman daiteke izena; maiatzaren 6a izango da azken eguna.
Izena emateko 943 655 004 zenbakira deitu edo Galtzaundira (Plaza Berria 1, Tolosa) joan behar da; autobusean joateak 15 euroko prezioa du (galtzaundikide edo atarikideentzat, 13 euro). Autobusa 15:30ean irtengo da Tolosatik, eta itzulera manifestazioa amaitu ondoren izango da.
Herri Urrats
Hurrengo egunean, maiatzaren 10ean, Herri Urrats jaia egingo da Senperen, eta hara joateko ere autobusak antolatu ditu Galtzaundik. Tolosaldetik Senperera joateko aukera ona da autobusarena, eta Alegia, Amasa-Villabona, Anoeta, Ikaztegieta, Irura, Tolosa eta Zizurkildik zuzenean joateko aukera izango dute eskualdeko euskaltzaleek. Izen ematea zabalik dago maiatzaren 6ra bitarte, eta ondorengo lekuetan egin daiteke:
- Ikaztegieta: Ostatua.
- Alegia: Kultur Etxean.
- Tolosa: Galtzaundin.
- Anoeta: Ikastolan.
- Irura: Ikastolan.
- Amasa-Villabona: Zubimusu ikastolan (zentroan).
- Zizurkil: Ernio bidea 9ko udal bulegoetan.
Kasu honetan ere, prezioa 15 eurokoa da (galtzaundikide eta atarikideentzat, 13 euro).
Autobusak 09:00etatik aurrera irtengo dira eta itzulera ordua 19:00etan izango da, Senperen. Hauek dira autobusen irteera puntuak eta ordutegiak, herriz herri:
- Ikaztegieta: 09:00 Kiroldegiko geltokian.
- Alegia: 09:05 Bideberrietako geltokian.
- Tolosa: 09:10 Santa Klarako geltokian.
- Anoeta: 09:15 Apaetxe baserrian.
- Irura: 09:20 Ikastola parean.
- Amasa-Villabona: 09:25 Kale berria 8ko geltokia.
Adin txikikoen baimena