Orain arte Tolosako saltokietan bakarrik eskuragarri egon den Gogoko zerbitzua Ibarrara zabaldu dute. Izan ere, orain arte, Tolosako saltokietara soilik mugatzen zen. Aurrerantzean, aldiz, bi herrietara egin ahalko dira eskariak. Horrela, Ibarrako dendetako produktuak ere eskatu ahal izango dituzte Tolosaldeko herritarrek.
Zerbitzuaren funtzionamendua erraza bezain erosoa da: bezeroak goizean egiten du eskaera WhatsApp (688 75 07 83) bidez, behar dituen produktuak zehaztuz. Ondoren, Gogoko Maialen arduratzen da guztiaz: Tolosa eta Ibarrako dendetan eskatutako produktuak erosi, mimoz bildu eta bidali. Arratsaldean bertan, eskaera osoa etxean jasotzen da.
Zerbitzuak eguneroko egoera bati erantzutea du helburu: denbora faltagatik edo erosotasunagatik, askotan presaka egiten ditugu erosketak. Gogokok aukera ematen du hori errazago egiteko, eta, aldi berean, tokiko merkataritzari eusteko, betiko dendetan erosteko modua galdu gabe, tokikoa zainduz, baina modu berrian.