Bikain aritu dira Villafranca de Los Barrosera (Badajoz) gerturatu ziren eskualdeko lau atletak. Hain zuzen, lau horietatik hiruk finalista izatea lortu baitzuten.
200 metroko lasterketan laugarren postua lortu zuen Kira Pascualek, 24”76ko marka haizetsuarekin (+3.0). Aurretik, erdiko finalean, 25”11ko denbora balioduna egin zuen. 1500 metroko proban, berriz, Idoia Arrospidek ere finalista izatea lortu zuen, eta bosgarren helmugaratu zen 4 minutu eta 43 segundoko denborarekin.
Mutiletan, Euken Fernandezek jabalina jaurtiketan bosgarren postua eskuratu zuen, 60,57 metroko jaurtiketarekin. Bestalde, Unax Armendarizek ere parte hartu zuen 1500 metroko proban, eta finaletik oso gertu geratu zen; azkenean, 4’16”88ko denborarekin 27. postuan amaitu zuen.
Atletismo Tolosa CF taldeak atleta guztien emaitzak goraipatu ditu, eta nabarmendu «maila handiko» probak eta «lehia estua» izan direla txapelketan.