Uztailaren 25ean, ostirala, jokatuko da 102. Ordiziako Klasikoa Lasterketa – Rural Kutxa Saria, 10:00etan hasita. Urtero moduan, profesional mailako txirrindulari onenetakoek parte hartuko dute, eta eskualdetik igaroko dira.
167 kilometroko luzera izango du ibilbideak, eta txirrindulariek bost aldiz egin beharko dute zirkuitu bera: Ordiziatik hasi, Itsasondo, Legorreta, Ikaztegieta eta Alegia igaro, Amezketara igo, handik Abaltzisketara (3. mailako mendatea), Larraitz auzora ondoren, Zaldibiarako bidea hartu, Gaintzara igo, eta Ordiziara jaitsi. Abaltzisketatik 10:30ak aldera igaroko dira, lehen aldiz, eta ondoren, 45 minutuero, gutxi gorabehera.
Ezustekorik ezean, Gorka Sorarrain Caja Rural taldeko txirrindulari tolosarrak eta Unai Iribar Kern Pharma taldeko txirrindulari ibartarrak lasterketan parte hartuko dute, baita abuztuaren 2an egingo den Donostiako Klasikoan ere; hau ere eskualdetik igaroko da, gainera.
Aurtengo edizioko profila eta ordutegiak:
