Datozen asteetan, Caixabank Masters torneoko lehen jardunaldietako partidak jokatuko dituzte pilotariek. Abuztuan, berriro helduko dira hiriburuetako txapelketak. Gaur, Gasteizko Andre Maria Zuria Txapelketa aurkeztu dute, eta eskualdeko hiru pilotarik parte hartuko dute.
Abuztuaren 5ean, Artola-Albisu eta Larrazabal-Mariezkurrena II bikoteek jokatuko dute Serie A mailako lehen finalerdian; aurrez, Serie B mailako txapelketan, Zubizarreta III-Eskiroz eta Alberdi II-Aranguren bikoteek jokatuko dute elkarren aurka lehen finalerdian.
Hurrengo egunean izango dira beste bi finalaurrekoak. Serie A mailan, Altuna III-Rezusta eta Zabala-Zabaleta bikoteen artekoa jokatuko da. Jaialdiko lehen partidan, Dario-Eskuza eta Murua-Tolosa bikoteek Serie B mailako finalerdia jokatuko dute. Finalak hilaren 8an izango dira, Ogeta pilotalekuan.