Uztailaren 5etik 14ra jokatuko da Labriten binakako San Fermin Torneoa eta bi lehiaketa izango dira, Serie A eta Serie B izenekoak. Uztailaren 7ko goizean, Nafarroa Arenan jokatuko da Lau eta erdiko San Fermin Torneoaren finala. Sarrerak Entradasfronton atarian eskuratu daitezke.
Serie A lehiaketan, A taldean Peio Etxeberria-Zabaleta bikoa eta uztailaren 5eko irabazleak (Urrutikoetxea-Albisu vs. Larrazabal-Imaz) eta uztailaren 6ko irabazleak (Ezkurdia-Martija vs. Elordi-Rezusta) izango dira. B taldean, berriz, Artola-Iztueta, Altuna III-Bikuña eta Peña II-Mariezkurrena II.
Serie B lehiaketan, A taldean Zubizarreta III-Aranguren, Jaka-Ugartemendia eta Murua-Aldabe izango dira. B taldean, Zabala-Gabirondo, uztailaren 5eko irabazleak (Agirre-Eskiroz vs. Bakaikoa-Lizeaga) eta uztailaren 6ko irabazleak (Dario-Gaskue vs. De la Fuente-Tolosa).