Inauteriei hasiera eman dien suziria jaurtitzerako, eskualdeko txikienek euren jaialdiak egin dituzte hainbat ikastetxeetan. Ibarrako Uzturpe ikastola, Bidania-Goiazko Txinkorta eskola, Tolosako Herrikide, Samaniego eta Laskorain ikastetxeak izan dira goiztiarrenak, eta mota guztietako mozorroak ikusi ahal izan dira. Gurasoek ere gertutik jarraitu dituzte haurren emanaldiak, giro paregabea sortuz eskola atari eta kaleetan barrena.