Atariak asteazkenean aurreratu bezala, dagoneko hasiak dira Amasa-Villabona eta Irura lotuko dituen bidegorriaren obrak. 1,83 kilometroko luzera izango duen bidegorria bisitatu dute aldundiko eta udal ordezkariek.
Helburua, 11 hilabeteko epean, aipatu bidegorria Gipuzkoako bizikleta sare foralean sartzea da, honela, «ingurumena gehiago errespetatzen duen garraio eredu irisgarriago baterantz egingo da aurrera». Asensiok obraren aldeko posizionamendua berretsi du: «Villabona-Irurako bidegorriaren obren hasiera mugikortasun jasangarri, irisgarri eta seguruarekin herritar guztientzat dugun konpromisoaren adibide argia da. Aurrera egiten jarraitzen dugu Gipuzkoa berdeago, lotuago eta etorkizunarekiko konpromiso handiagoarekin».
