Ataria Irratiko kirol tertulian, Endika Apalategik bere dohain harrigarriak erakutsi ditu. Realaren partida guztien emaitzak buruan ditu ataundarrak, azken 14 denboraldietakoak. Goleatzaileekin ere ausartu da.
Cadizeko futbol zale baten bideoa sare sozialetan birala egin da azken egunetan. Bartzelona futbol taldearen emaitzak buruz zekizkielako, azken 10 denboralditakoak. Endika Apalategi Atariako kirol tertuliako kidea da, eta bideoa ikusi zuenean, berak 2010etik honakoak zekizkiela esan zuen, Realaren partidetakoak, noski. Hori horrela ote den frogatu nahi izan dugu gaurko Osteguneroko Kirol Tertulian, Ataria Irratian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!