Irudimena izan da protagonista aurten ere eskualdeko inauterietan, eta Atariak antolatutako mozorro lehiaketan ia 60 mozorro ezberdinen artean saridunak aukeratu dira:
Epaimahaiaren saria lortu duena, Nere Jauregik bidalitako Eta nik, usoa nuen maite... mozorroa izan da. Berak Nekaturrek eskainita, Nekaturreko edozein ostatutan erabili ahal izango den 90€ko balioa duen opari txekea jasoko du sari moduan.
Ataria.eus-eko erabiltzaileen saria, irakurleen 189 bozka lortu ondoren, Gu garbitzera gatoz mozorroa izan da, Mertxe Adurriagak bidalita. Tolosako Alondegia jatetxean 4 pertsonarentzat otordua izango da bere saria.
Parte hartu duten Atarikideen artean ere Errigorako kaxa bat zozkatu da, eta sariduna Jon Ipentzak bidalitako "Karretilla" zainzuriak mozorroa izan da.
Sari banaketan —argazkian— Mireia (Nere ordezkatuz) eta Jon irabazleak, eta Nekaturreko eta Alondegia jatetxeko ordezkaria izan dira.