Larunbat honetan, martxoaren 2an, Zizurkilgo Intxaur frontoian, halterofiliako Liga Nazionaleko lehen jardunaldia izango da jokoan. Denok Danenako pultsulariak bertan izango dira: gizonezkoetan Ohorezko Mailan eta Lehen Mailako 2 talde ariko dira, eta emakumezkoetan Lehen Mailan dagoen taldearekin. Eki Lizaso Madrildik etorriko da lehiatzera, eta berriro ere aukera izango du Europako zein Munduko txapelketarako gutxieneko markak egiteko.
Hiru txanda izango dira larunbateko jardunaldian. Lehenengoa 10:30ean izango da, bigarrena 12:00etan eta hirugarrena 17:30ean. Taldetik espero dute denboraldiari «hasiera ona» ematea eta «aurrerantzean ere horrela jarraitzea».
Espainiako Eskola Mailako Teknika Txapelketa
Urtarrilaren 25ean, Zarautzen, Espainiako Eskola Mailako Teknika Txapelketa egin zen, eta Denok Danena taldeak ere parte hartu zuen hiru neska-mutil gaztetxorekin. Parte hartu zuten 27 finalisten artean, Eneko Mesak 7. postua lortu zuen, Kisbel Lopezek 12. postua eta Joel Roperok 17. postua.
