Igaro dira inauteriak eta egunotan ateratako argazkiek lagunduko dute egun horietan bizitako uneak ahanzturan gera ez daitezen. Hori soilik ez. Argazki horiek ATARIAK antolatutako Mozorro Lehiaketan parte hartzeko aukera ere emango baitu. Mozorroekin ateratako argazkiekin parte hartu ahal dute Tolosaldeko herritarrek, eta sari politak eskuratzeko aukera izango dute.
Inauterietan mozorrotutako argazkia edo argazkiak aukeratu eta Ataria.eus-en Mozorro Lehiaketaren atalean modu errazean igo ahal dira. Asteartera bitarte izango da parte hartzeko aukera.
Irabazten dutenek sari bikainak eskuratuko dituzte. Hiru partaide izango dira zorionekoak. Epaimahaiaren saria jasotzen duenak Nekaturreko edozein ostatutan erabiltzeko 90 euroko balioa duen opari txekea irabaziko du; Ataria.eus-eko erabiltzaileen saria lortzen duenak Tolosako Alondegia jatetxean lau lagunentzako otordu bat irabaziko du; eta azkenik, parte hartzen duten Atarikideen artean Errigorako produktuez osaturiko kaxa bat zozkatuko dugu.
Argazkiak formulario honen bidez igo beharko dira.
Zozketan parte hartzeko oinarriak eta bestelako informazio guztia hemen aurkituko duzu.
Animatu eta parte hartu! Zorte on!