Garaipen berezia lortu du Iñaki Artola alegiarrak Imazekin batera Binakako Pilota Txapelketaren hamargarren jardunaldian, sailkapenean lider doazen Erik Jaka lizartzarra eta Mariezkurrena II.a gainditu baitituzte, 18-22. Jakak eta Mariezkurrena II.ak 11 tanto egin dituzte eta 10 galdu, eta Artolak eta Imazek 12 tanto egin eta 7 galdu. Jaka-Mariezkurrena II bikoak lider jarraitzen du zortzi garaipenekin, eta Artola-Imaz bikotea hirugarren dago sei garaipenekin.
Eskualdeko pilotarien arteko beste partidan, Jokin Altuna amezketarra atera da garaile. Martijarekin batera 13-22 irabazi diete Ezkurdia eta Xabier Tolosa anoetarrari. Ezkurdiak eta Tolosak 9 tanto egin dituzte eta 8 galdu, eta Altuna III.ak eta Martijak 14 tanto egin dituzte eta 4 galdu. Altuna III-Martija laugarren postuan daude bost garaipenekin, eta Ezkurdia-Tolosa zazpigarren daude hiru garaipenekin.
Jon Ander Peña tolosarrak eta Albisuk laugarren puntua eskuratu dute Laso eta Arangureni 12-22 irabazita. Peña II.ak eta Albisuk 10 tanto egin dituzte eta 4 galdu, eta seigarren postuan daude. Laso-Aranguren bikoak 8 tanto egin ditu eta 12 galdu, eta azken postuan daude bi garaipenekin.
Serie B Txapelketa
Promozio mailako binakako txapelketari dagokionez, eskualdeko pilotariek elkarren aurka jokatu dute. Gorka Ugartemendiak eta bere aurrelari Zubizarreta III.ak 21-22 irabazi diote Martxel Iztueta tolosarrari eta bere aurrelari Agirreri. Agirre eta Iztueta bigarren doaz, zazpi garaipenekin, eta Zubizarreta III-Ugartemendia laugarren bost garaipenekin.