Estazio meteorologikoei erreparatuta baliorik baxuenak 09:00ak inguruan jaso dira. Berastegin eta Bidania-Goiatzen ordu horretan -3,6 eta -2,2 gradu jaso dituzte, Belauntzan 0,7 –baxuena 07:40ean jaso dute, 0,2 gradu, zehazki–, Lizartzan gradu bat eta Alegian 2,9.
Biharko iragarpena
Iker Ibarluzea Ataria-ko eguraldi adituak esan du biharko giro kaxkarra nagusituko dela. Egun osoan zehar hodeiak ugariak izango dira eta euri zaparradak izango dira egun guztian zehar, orokorrean ahulak izango badira ere.
Tenperatura baxuak izan ditugu gaur eta biharkoan are baxuagoak izango dira. Tenperatura altuena ez da 3 eta 6 gradutik pasako eta elur maila 500 eta 600 metroan kokatuko da.