Zehazki, hauek izan dira Gipuzkoako Foru Aldundiko Kirol Departamentuaren saria jaso duten kirolariak: Eukene Larrarte txirrindularia, Unai Saralegi eta Unai Reguillaga judokak eta Irati Lakunza urpeko kirolaria, guztiak ere Tolosakoak. Gainera, Anoetako Abraham Olano txirrindulariak ere saria jaso du 1997an Frantziako Tourraren etapa bat irabazi zuelako.
Goizane Álvarez kiroletako diputatuak nabarmendu zuenez, «kirola Gipuzkoan ez da soilik jarduera fisikoa, berdintasuna, elkartasuna eta banakako nahiz taldeko ahalegina bezalako balioak transmititzen ditu». Are gehiago, lurralde honetan, eskualdez eskualde, herriz herri, Tolosaldean bezala, kirola jarduera fisikoaren adierazpide ez ezik, batzen gaituen bizi-ehuna ere badela adierazi zuen.