Martijarekin batera 22-21 galdu zuen amezketarrak Ezkurdia eta Xabier Tolosaren aurka. Altuna III-Martija azken postuan daude sailkapenean, garaipenik gabe. Ezkurdia-Tolosa, berriz, bosgarren postuan, bi garaipenekin.
Erik Jaka eta Mariezkurrena II.a lehen postuan jarri dira, lautik lau garaipen lortuta. Jardunaldi honetan Iñaki Artola eta Imazi irabazi diote, 22-5. Artola-Imaz bikotea seigarren postuan daude, garaipen bakarrarekin. Jon Ander Peñak eta Albisuk bere partida galdu egin dute, 22-16, Laso eta Arangurenen aurka. Peña-Albisu bikoa laugarren doa sailkapenean, bi garaipenekin.
Bosgarren jardunaldian, ostiralean, Ezkurdia-Tolosa bikoak eta Artola-Imaz bikoak elkarren aurka jokatu dute Arrasaten. Ostiralean ere, Altuna III-Martija eta Laso-Aranguren arteko partida Donostian jokatuko da. Jaka-Mariezkurrena eta P- Etxeberria-Zabaleta larunbatean ariko dira elkarren aurka, Iruñean. Azkenik, Peña II.ak eta Albisuk Elordi eta Rezustaren aurka jokatuko dute, larunbatean, Bilbon.
Binakako Serie B Txapelketa
Bigarren mailako txapelketan, eskualdeko bi pilotariak elkarren aurka aritu ziren lehian, eta Martxel Iztuetarentzako izan zen garaipena. Agirre aurrelariarekin batera 22-20 irabazi zioten Zubizarreta III.ari eta Gorka Ugartemendiari. Agirre-Iztueta lehen postuan daude sailkapenean, lau partidak irabazita. Zubizarreta III-Ugartemendia hirugarren postuan daude, bi garaipenekin.