Jaialdiko partida nagusian Iñaki Artolak jokatu du, Imaz atzean zuela. 22-11 irabazi diote Laso-Aranguren bikoteari. Garaipen horrekin txapelketako lehen puntua lortu du alegiarrak. Hurrengo partida atseden tarte handiegirik gabe jokatu beharko du Artolak, ostiralean, Donostiako Atano III.a pilotalekuan Elordi-Rezustaren aurka.
Jaialdiko lehen partida bigarren mailako binakako txapelketakoa izan da. Bertan Iztuetak meritu handiko lehia jokatu du, Agirre aurrean zuela. Azken emaitza 22-18koa izan da, Larrazabal-Eskiroz gaindituz. Iztuetak hurrengo partida ostiral honetan jokatuko du, Atanon, Salaberria-Arbizuren aurka.