Tolosaldeko jatetxeen lehiakortasunean sakontzeko asmoz euren bikaintasuna sustatzeko programa prestatu du Tolosaldea Garatzeneko Turismo sailak. Izen handiko gastronomia gidetan (Michelin, Repsol... ) posizionamendua hobetu nahi duten jatetxeek hartu dezakete parte eta gastronomia aholkulari baten laguntza jasoko dute. Jatetxe bakoitzeko zerbitzuak aztertuko ditu, eskaintza gastronomikoari balioa gehitzeko moduen berri emango du eta ardoen inguruko aholkuak emango ditu, besteren artean.
Programan parte hartu nahi dutenek azaroaren 15a baino lehen eman behar dute izena garmendia@tolosaldea.eus emailera idatzita.