Iker Ibarluzea meteorologoak esan du zaparradak egun osoan zehar emango direla eta une batzuetan ekaitzak jo eta zaparrada gogorrak botako dituela. Ondorioz, Segurtasun sailak abisu horia ezarri du 21:00ak bitarte, baina euri zaparrada handienak 09:00etatik 18:00etara bitartean emango direla esan du, orduan zaparraden intentsitatea 20-30 l/m²-koa izan daitekeelarik ordu betean.
Tolosako Riverline jaialdiari dagokionez, printzipioz egitarauarekin jarraituko dute, nahiz eta moldaketak egin ditzaketen, posible da 12:00etarako aurreikusitako Acroyoga jardunaldia Zerkausian egitea. Eta Tolobolei Tolosako XIII. Boleibol Txapelketak ere aurreikusi bezala egin du aurrera.