Larunbatean jokatuko diren finaletan, ez da eskualdeko ordezkari bakar bat ere izango Antiguako frontoian. Arkaitz Gabirondo gazteluarrak; Irribarria lagun zuela, 18-22 galdu zuten Egiguren-Bernaola bikoaren aurka promesa mailan. Partida estu eta borrokatua joan zen, baina amaieran partidak ihes egin zien.
Julen Alberdi zizurkildarraren kasuan ere; kukuak oker jo zien asteartean jokatutako finalerdian. Lizeaga, Astigarragako atzelariarekin bikoa osatuta, elite mailako finaletik kanpora geratu ziren Amiano-Apezetxea bikoaren aurka 16-22 galdu ostean. Partida lehiatua joan zen hau ere, eta markagailuan 16na berdindu ondoren, urdinek sei tanto erreskadan egin eta 22ra iritsi ziren.
