17:00etan, haur jolasak eginez hasi dute agur festa Leyre Carrasco eta Eneritz Noble monitoreek lagunduta. Bi orduz jolas ezberdinak egiten hasi dute arratsaldea, tartean: ezagutza jolasak, herri kirolak, zapi jolasa, bizkotxo apainketa eta aurpegia margotzeko tartea izan dute.
Jolasen ostean, 19:30ean, agur ekitaldia eta herri sahararren aldeko aldarrikapena egin dute Tolosako kaleetan barrena. Amaitzeko; afaltzeko elkartuko dira 20:30ean, Zerkausian bertan, eta musika sahararra izango dute 21:30tik aurrera.