Tolosaldean bizi diren edo eskualdearekin lotura duen edonork har dezake parte udan ateratako argazkiekin, eta sari potoloak eskuratzeko aukera izango da. Irabazleak, esaterako, hiru orduko bakarkako argazki ikastaroa jasoko du Tolosako Arri Studioaren eskutik. Ataria.eus-eko erabiltzaileen saria lortzen duenak, berriz, lau pertsonarentzat otordua jasoko du Albizturko Ostatuan, eta Atarikide saria irabazten duenak Arri Studioak egindako barruko argazki sesioa.
Beraz, badakizu, animatu eta parte hartu zure udako argazkiekin!