Botoen bilakaera
Botoa emateko eskubidea dutenek, normalean, lau joera izaten dituztela argi dago: gehienek, boto eskubidea bere egiten dute eta bozkatzera joaten dira; bigarren lekuan, eta zenbatekoaren herena, ez da bozkatzera joaten; hirugarrenean zuri bozkatzen dutenak daude; eta azken lekuan, boto baliogabeak.
Atzokoaren kasuan aipagarriena abstentzioaren gorakada izan zen. 2019an %31,04koa izan zen eta atzoko udal hauteskundeen bozketan %38,99koa. Beraz, abstentzioak gora egin du nabarmen, herriz berri, zortzi puntuan.
Hautagaitzei emandako botoak
Atzo eskualdeko 37.063 herritar zeuden deituak udal hauteskundeetan parte hartzera, eta horietatik 22.613k eman zuten botoa. Honela geratu zen eskualdeko kolorea: lehen postuan EH Bildu; bigarren, EAJ; hirugarren herri plataformak; PSE-EE laugarren; Elkarrekin Podemos bosgarren; eta azken lekuan PP.
Eserlekuak
Herri bakoitzari dagokion zinegotzi kopurua biztanleriaren araberakoa izaten da, horrela jasoa dago Hauteskunde Araubide Orokorrari buruzko ekainaren 19ko 5/1985 Lege Organikoan. Atzo aukeratutako eskualdeko 222 zinegotzien banaketa eta aurreko urtekoetakoena ondorengoa da:
Generoaren begirada
10 emakumezko eta 18 gizonezko alkate aurreikusten dira 2023-2027 legealdirako Tolosaldean. Aurreko legealdiarekin alderatuta beraz, kopuru berdinetan mantenduko dira emakume-gizon agintariak.
Eskualdeko mapa
Tolosaldean 222 eserleku erabaki ziren atzo, horretarako aurkeztutako 72 zerrendetatik. Eskualdean EH Bilduko alkatea izango da gehiengoa, ondoren herri plataforma batekoa eta PSE-EE alderdiko bat.