Gure Zirkuak Maule-Lextarren ekingo dio bihar seigarren birari. Abiapuntuak berak erakusten du ondoren nolakoa izan asmo duen aurten euskal zirku ibiltariak: «sekula baino ibiltariagoa».
Gure Zirkuak ipar, hego, luze, zabal zeharkatu nahi du Euskal Herria 2023an, eta horren adibide da, ohikoa izan duen Gipuzkoatik eta Bizkaitik atera, eta Zuberoan hasiko duela ekinaldia.
Maule-Lextarreko egonaldia amaituta, Gipuzkoan sartuko da taldea eta Andoainen eta Lazkaon egingo ditu emanaldiak maiatzean, ekainean Bizkaira iritsi aurretik.
Aurtengo ibilbidean ere Gure Zirkuak ez dio uko egingo sekula iritsi gabeko eskualdeetara iristeko helburuari, eta hala, besteak beste, Bilbo Ezkerraldera eta Nafarroan Tafalla aldera egin asmo du bisita. «Etorkizunak esango du noraino iritsiko den seigarren bira», adierazi dute.
Lehen emanaldietarako sarrerak salgai daude jada, Gurezirkua.eus webgunean.
Gure Zirkuak 2023an eskainiko dituen lehen emanaldiak:
- Maule-Lextarre
- Apirilaren 28an, ostiralean, 19:00etan
- Apirilaren 29an, larunbatean, 16:00etan eta 18:30tan
- Apirilaren 30ean, igandean, 11:00etan
- Andoain
- Maiatzaren 5ean, ostiralean, 19:00etan
- Maiatzaren 6an, larunbatean, 16:30tan eta 19:00etan
- Maiatzaren 7an, igandean, 12:00etan eta 18:00etan
- Maiatzaren 12an, ostiralean, 19:00etan
- Maiatzaren 13an, larunbatean, 16:30etan eta 19:00etan
- Lazkao
- Maiatzaren 19an, ostiralean, 19:00etan
- Maiatzaren 20an, larunbatean, 16:30tan eta 19:00etan
- Maiatzaren 21ean, igandean, 18:00etan
- Maiatzaren 26an, ostiralean, 19:00etan
- Maiatzaren 27an, larunbatean, 16:30tan eta 19:00etan
- Maiatzaren 28an, igandean, 18:00etan
- Ekainaren 2an, ostiralean, 19:00etan
- Ekainaren 3an, larunbatean, 16:30tan eta 19:00etan
