Gipuzkoako Eskolarteko Bertsolari Txapelketako laugarren eta azken kanporaketa jokatu zuten atzo Amezketan, Zazpi Iturri elkartean. Bertan, Harituzeko Lide Arregi eta Danel Etxeberria aritu ziren kantuan, eta beraiekin batera, Nikola Iraola, Oihan Navarro eta Xuban Urdalleta. Bada, finalerako, Danel Etxeberria sailkatu zen.
Tolosaldeko Harituz bertsozale elkargunearen bertso eskoletan aritzen diren bederatzi bertsozalek eman zuten izena txapelketan, eta horietatik bost ariko dira kantuan finalean. Azken kanporaketaren aurretik June Aiestaran eta Izar Zelarain zuzenean sailkatuta zeuden, eta azken kanporaketa jokatu eta gero Jon Mendiluze eta Beñat Zeberio ere sailkatu dira. Finaleko seikotea Amets Aizpuruak osatuko du.
Gipuzkoako Eskolarteko Bertsolari Txapelketaren XLIII. edizioko finala apirilaren 21ean izango da, Lasturren.
