Iker Ibarluzea Tolosaldeko Atariako eguraldi adituaren esanetan, bihar eta etzi negu beteko giroa izango dugu eskualdean. Gaur iluntzean elurra eta eguneko lehen orduetan elur maila 200 metrotan koka daiteke. Ondoren, eguerdian, 300-400 metrotara igoko litzateke, iluntzean berriro behera egiteko. Ostegunerako ere «giro iluna» aurreikusi du Ibarluzeak: «Elur-maila goizean 400 metrotan kokatuko da, baina arratsaldean igo egingo da, 700-800 metrotan kokatuz. Mendebaldeko haize zakarrak joko du eta tenperaturak igo egingo dira, 4-6ºC-tan joaz goia».
Txindoki, Otsabio, Larte, Hernio inguruneak zuriz jantzi dira arratsaldeko lehen orduetan. Uzturre eta Loatzo, ordea, oraindik berde ikusten ziren. Tolosako Urkizu auzoan ere elur ekaitza sartu da 15:00ak inguruan. Maluta potoloek segidan izan dute eragina inguruko belardietan, 600 metro inguruko altueran.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!