LABek gogoratu du atzo, Ibarrako Voith enpresara zihoan garraiolari bat ondoezik topatu zutela bere kamioian, antza bihotzekoak jota. Egoera larrian eraman zuten erietxera. Salatu du garraiolarien sektorea dela alde handiz arazo kardiobaskularrak neurri handienean pairatzen dituen kolektiboa eta datuen errealitatea izugarria dela, «nahiz eta patronalak zein Jaurlaritzak berak, heriotza natural gisa aurkeztu nahi dizkiguten». Esan du ezinbestekoa dela lan istripu ez traumatikoekiko neurriak hartzea, bereziki sektore jakin batzuetan «non lan baldintzak eragile argiak diren».