Ehunmiletako eta Goierriko Bi Handiak probako korrikalariak bidean dira. Beasaindik 515 korrikalari abiatu ziren atzo Ehunmilak Ultra Trail-a osatu asmoz. Berriro ere Beasaingo helmuga zeharkatu bitartean, kilometroak eta kilometroak ibili beharko dituzte, tartean Tolosaldeko lurretan barrena. Amezketako kontrol gunera sartzen lehena Javi Dominguez izan da.
Amezketan antolakuntza taldeaz gain, herritarrak ere bazituen zain Javi Dominguez Ledo gasteiztarrak. Fresko sartu da korrikalaria anoa gunera, gainontzeko korrikalarien denborei gehiegi erreparatu gabe eta gutxieneko geldialdia eginez hidratatzeko, 05:45ak aldera. Hau da, 11:46:29 denbora markatuz Amezketan bertan.
Tolosako Usabal kiroldegian berriz, 06:00ak inguruan, korrikalarien familiak zain ziren bai kanpoan eta baita harmailetan ere animoak emateko. Mendi korrikalariak tantaka iristen joan dira eta arropak aldatu, jatekoa hartu, behar zuenak masajea hartu eta berriro ere bideari ekiten zioten.
Ehunmilak Ultra-Traila, Goierriko Bi Handiak eta Marimundumendi Maratoia, unean-unean jarraitu daitezke Ehunmilak.com webgunearen bitartez.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
