Euskarazko irakurzaletasuna bultzatzeko kanpaina jarri du abian Gipuzkoako Foru Aldundiko Kultura sailak eta kanpaina horretako diru partida bat tokiko hedabideen harpidetzak sustatzera bideratuko du, tartean daude, Tolosaldeko Ataria-ko harpidetzak. Ataria-ko jarraitzaileek 15 euroko bonu hauek erabili ahal izango dituzte eta horiei esker Ataria-ko 2022ko harpidetza prezio murriztuan eskuratuko dute:
'Ataria'-ko papereko harpidetza: 35€
Atarikide digitala: 20€
Aipatu gainera, Ataria-ko harpideek hurrengo urteko errenta aitorpenean onura fiskala jasotzen dutela, ordaindutakoaren %30eko kenkaria izanik.
Beraz, eta gehiago luzatu gabe, zu ere izan zaitez Atarikide eta lagundu iezaguzu guztion proiektu hau indartzen. Horrela, erabiltzaile izateaz gain, proiektua babestuko duzu! Eta gogoratu Ataria-ko harpide izatean, Atarikide bakoitzak bere aletxoa jarrita, Ataria indartsu eta zabal bat osatzen jarraituko dugula.
Gipuzkoako Foru Aldundiko Kultura sailak babestutako kanpaina:
euskarazko irakurzaletasuna bultzatzeko helburuarekin