Aiztondo Zerbitzuen Mankomunitateak udaleku irekiak antolatu ditu ekainaren 27tik uztailaren 22ra, Aduna, Larraul eta Alkizako umeentzat. Udaleku horietan begirale lanak egiteko deialdia zabalik izango da martxoaren 21etik apirilaren 8ra.
Begirale izateko 18 urte beteta izatea, DBH titulua izatea, euskara ulertu eta ongi hitz egitea, elkarrizketa eta talde dinamika gainditzea eta curriculuma eta agiriak aurkeztea eskatuko dute. Bide batez, aisialdiko zuzendari titulua, begirale titulua, ikasketak, EGA eta lan esperientzia baloratuko dituzte.
Curriculumak aterpeak@urtxintxa.eus helbidera bidali beharko dira Aiztondoko udalekuak jarri beharko da izenpean. Curriculumeko datuak egiaztatzeko agiriak ere bidali beharko dira. Begiraleen elkarrizketa apirilaren 29an egingo da Adunan.